A MEZZANOTTE HA PARTORITO MARIA

Stranera era la vergini Maria e cu Giuseppi vecchiu caminava; era stranera e non sapia la via scuro faciva e forti nevicava. Nci mbatti nu giovanottu pe la via chi vidi lo bon vecchiu e nci spiava: vaju cercandu aundi trovaria quantu pe chista notti m’ alloggiava. Pe dhocu a fora na grotta nd’avia:  non sacciu s’era bestia chi nci stava. A menzanotti partoriu Maria; felici notti la Scrittura chiama. no pannizzedhi  e no fasci ndavia e cu lu velo soi lo cumbogghjava. Ccucciatilu e dhattatilu Maria pecchi  Voi siti la so mamma cara. Benedittu ssu bombinu chi Maria si portau n’sinu, benedittu puru sia San Giuseppe cu Maria.

BALLATA DI NATALE

La Vergine sè dolata parturiu vinni a lu mundu lu figghju di Dio;

no panni e no renzola  jidha ndavia di la  so testa u velu si cacciau.

Nc’era sulu nu voi e nu sceccaredhu curcati a e hjianchi di lu bombinedhu.

Mi ndi vaju e di lontanu portu  ‘n caricu di granu e farina i primu hjiuri nci regalu a o Redenturi. Mi ndi vajiu e portu a milli nt a cannistru li nucilli e se tu li voi accettari si cotraru e poi jocari.

Nu bonu cacciaturi  chi bona caccia fici nci levau o Redenturi tri beccacce e dui pernici e pe dari chiu allegrizza dui cunigghji e sei marvizza.